Meksikada insan alverçiləri tərəfindən qaçırılan qız hər gün 30 nəfərin təcavüzünə məruz qaldığını açıqlayıb.
12 yaşı olan Karla Jasinto metroda rəfiqələrini gözləyərkən insan tacirləri tərəfindən qaçırılıb və seks işçisi olmağa məcbur edilib. 2008-ci ildə, 16 yaşında xilas edilən qız 4 ildə 43 min dəfə təcavüzə məruz qalıb. "CNN International" televiziya kanalına açıqlama verən Karla Jasinto minlərlə qızın oğurlanaraq təcavüz edildiyini bildirib və ailələrin daha diqqətli olması gərəkdiyini deyib.
“Qaldığım evə hər gün qızları oğurlayıb gətirirdilər. Məni satdıqları adamlar mənə gülürdü, çünki dayanmadan ağlayırdım. Gözlərimi yumub onların iyrənc hərəkətlərini görmək istəmirdim və heç nə hiss etmirdim. Bunları danışmaqda məqsədim, eyni vəziyyətdə olan qızların xilas edilməsinə kömək göstərməkdi. Ailələr və qizlar daha diqqətli olmalıdır”, -deyə gənc qız bildirib.
Cia.az
