İsveç kraliçası Silvia Kral Sarayında kabusların dolaşdığına inandığını deyir.
Ölkənin Drottningholm şəhərindəki sarayını "bir qrup dostları və kabuslarla" bölüşdüyünü söyləyən kraliça, "Əslində, həyəcanvericidir, məni qorxutmurlar" deyib.
Stokholm yaxınlığındakı saray 17-ci əsrdə inşa edilib.
Drottningholm, kraliça Silvia və Kral XVI Gustavın daimi olaraq yaşadığı yerdir.
SVT televiziya kanalının hazırladığı "Drottningholm Sarayı: Kral evi" sənədli filminin prodüserinə müsahibə verən Kraliça Silvia, "Sarayda bəzən tamamilə tək olmadığınızı hiss edirsiniz. Amma kabuslar olduqca dostcasınadır" deyir.
Drottningholm sarayı 17-ci əsrdə inşa edilib
73 yaşlı kraliçanın kabus iddialarına bacısı şahzadə Kristina da dəstək verib.
Şahzadə Kristina, "Sarayda çox böyük bir enerji var. Bu enerjinin müxtəlif formalara görünməməsi qəribə olardı" deyib.
Kral ailəsinin kabus iddiaları İsveç mətbuatında istehza mövzusu olub.
İsveçin Local adlı xəbər saytı "Cəsur kabus ovçularını vəzifəyə çağırırıq! Saraya gedin və bu iddiaların ardınca düşün"! deyə çağırış edib.
Saytın xəbərində "Drottningholm Sarayı il boyu ziyarətçilərə açıqdır. Yalnız Kral ailəsi - və onların kabus dostlarının - yaşadığı hissəyə girə bilməzsiniz" deyilir.
40 il əvvəl kral Karl ilə evlənən Kraliça Silvia İsveç taxtında ən uzun müddət qalan şəxsdir (BBC).
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
