Qabonda “Royal Dutch Shell” şirkətinin işçiləri “fasiləsiz” tətilə başlayıblar.
“Report” “Reuters” agentliyinə istinadən xəbər verir ki, bu barədə işçilərin Həmkarlar İttifaqı bildirib.
Mənbənin bildirdiyinə görə, “Shell” Qabondakı aktivlərini 700 mln. dollar satmağa çalışır və əməkdaşlar işdən çıxarılmaq, yaxud digər əraziyə getməklə bağlı narahatlıq keçirirlər.
Neft işçilərinin Milli İttifaqından verilən açıqlamada vurğulanır ki, tətil “Shell”in Qabondakı bütün əməliyyatlarını əhatə edəcək. Məsələ ilə əlaqədar şirkətdən hər hansı açıqlama verilməyib və hasilatın bundan zərər görüb-görməməsi barədə məlumat yoxdur.
Ötən ilin dekabr ayında Həmkarlar İttifaqı “Shell”in Qabondakı bütün işçilərinin şirkətin aktivlərini alacaq şirkətdə işçə götürülməsi və 5 il ərzində hər hansı işdən çıxarmanın olmamasını tələb edib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
