Bu gün Avropa Liqasında 3-cü təsnifat mərhələsinin ilk oyunları keçirilir.
Qol.az-ın məlumatına görə, turnirdə yeganə təmsilçimiz olan “Qəbələ” də növbəti matçına çıxıb.
Roman Qirqorçukun komandası səfərdə Yunanıstanın “Panatinaikos” klubu ilə qarşılaşıb.
Matçın taleyini bir qol həll edib. Birinci hissədə penalti zərbəsini dəqiq yerinə yetirən yunanlar 1:0 hesablı qələbə qazanıblar.
Xatırladaq ki, “Qəbələ” 2015/2016 mövsümündə Avroliqanın pley-off mərhələsində də bu komandaya rəqib olmuşdu. Bakıda keçirilən ilk oyunda qolsuz heç-heçə edən təmsilçimiz Afinadakı görüşdə Dodonun qolları sayəsində 2:2 hesablı nəticə ilə qrup mərhələsinə vəsiqə qazanmışdı.
27 iyul
Avropa Liqası
III təsnifat mərhələsi, ilk oyun
“Panatinaikos” (Yunanıstan) – “Qəbələ” (Azərbaycan) - 1:0 Qol Qilyerme Molins, 36-pen Baş hakim: Xuan Martinez Munuera (İspaniya) Baş hakimin köməkçiləri: Dieqo Barbero Sevilya, Sezar Manuel Noval Font (hər ikisi İspaniya) Dördüncü hakim: Mario Melero Lopez (İspaniya) Afina. “Apostolos Nikolaidis” stadionu
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
