Güləşçimizdən möhtəşəm uğur - 3-cü dəfə dünya çempionu oldu
Sərbəst güləş üzrə Azərbaycan yığmasının üzvü Hacı Əliyev Fransanın paytaxtı Parisdəki dünya çempionatında qızıl medal qazanıb.
61 kq çəkidə mübarizə aparan ikiqat Dünya çempionu, Olimpiya Oyunlarının bürünc medalçısı H.Əliyev ardıcıl olaraq bütün rəqiblərini mübarizədən kənarlaşdırıb və finala yüksəlib. Finala qədər güləşçimiz Qırğızıstan, Yaponiya, Slovakiya və Kubadan olan rəqiblərini tam üstünlüklə məğlub edib. Həlledici görüşdə Hacı Əliyevin rəqibi Rusiya idmançısı Hacımurad Rəşidov olub. Görüşün başa çatmasına 30 saniyə qalmış rəqibinin kürəyini xalçaya sıxan güləşçimiz tam üstünlüklə qalib gəlib. Bununla da Hacı Əliyev Azərbaycan sərbəst güləş tarixində üçqat Dünya çempionu olan ilk güləşçi olub
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
