Avropanın köklü klublarından olan "Parma" cari mövsüm çətin günlərini yaşayır.
Qol.Az-ın xarici KİV-lərə istinadən verdiyi məlumata görə, maliyyə problemləri ilə üzləşən klub 1 avroya satılıb.
Borcları ödəyə bilməyən "Parma"nı sahibləri Tomasso Girardi və Rezart Taçi klubu "Mapi" qrupuna satmaq məcburiyyətində qalıb. "Parma"nın yeni prezidenti təyin olunan Campietro Manenti mövcud vəziyyətdən çıxmaq üçün qısa zaman kəsiyində ciddi addımlar atmalı olduqlarını bildirib.
Qeyd edək ki, İtaliya Futbol Federasiyası futbolçuların və məşqçilər heyətinin borclarını ödəyə bilmədiyi üçün "Parma"nın 1 xalını silmişdi. Komandanın aparıcı futbolçusu Antonio Kassano isə ötən ay komandadan ayrılıb.
Xatırladaq ki, "Parma" A Seriyasında geridə qalan 21 turdan sonra 9 xalla turnir cədvəlinin sonuncu pilləsində qərarlaşıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.