"Çempionatın ən ağır oyunlarından biri oldu. Matça yaxşı hazırlaşmışdıq. Məqsədimiz xal itirməmək idi və buna da nail olduq".
Bu sözləri Qol.Az-a "Qarabağ"ın futbolçusu Qara Qarayev Azərbaycan Premyer Liqasının 22-ci turunda "Simurq"a 1:0 hesabı ilə qalib gəldikləri görüşdən sonra deyib.
"Oyunun əvvəlində "Simurq" daha çox müdafiə olundu, ikinci hissədə isə hücumeyilli oyun nümayiş etdirdilər. Qarşılaşmanın sonlarına yaxın müdafiıdə boşluqlar oldu. Oyunçularımız artıq yorulmuşdular. Buna baxmayaraq, boşluqları doldurmağa çalışdıq" -deyə o bildirib.
Q.Qarayev onu da qeyd edib ki, hələ çempionluq haqda düşünmürlər:
"Sadəcə, qarşıdakı oyunlara hazırlaşırıq. Hər matça qələbəni düşünərək çıxırıq".
Q.Qarayev Azərbaycan Premyer Liqasının növbəti turunda qarşılaşacaqları "Neftçi" ilə görüş öncəsi fikirlərini də bildirib:
"Neftçi" ilə oyunlar gərgin və maraqlı keçir. Bu qarşılaşmaya bütün azarkeşlərimizi dəvət edirəm".
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
