Teymur Rəcəbov yenə heç-heçə etdi

İdman

Teymur Rəcəbov yenə heç-heçə etdi

19.02.2015 - 09:49

Gürcüstanın paytaxtı Tiflisdə keçirilən şahmat üzrə Qran-pri turnirində IV turun görüşləri baş tutub.

Apasport.az saytının məlumatına görə, Azərbaycan şahmatçıları növbəti görüşlərini keçiriblər.

Şəhriyar Məmmədyarov rusiyalı qrossmeysterlər Yevgeni Tomaşevski ilə üz-üzə gəlib. Görüşdə təmsilçimiz uduzub.

Teymur Rəcəbov isə Dmitri Yakovenko ilə qarşılaşıb və oyun yenə heç-heçə başa çatıb.

Qeyd edək ki, turnir cədvəlinə 3,5 xalla Yevgeni Tomaşevski başçılıq edir.

IV tur
Şəhriyar Məmmədyarov (Azərbaycan) - Yevgeni Tomaşevski (Rusiya) – 0:1
Aleksandr Qrişuk (Rusiya) - Baadur Jobava (Gürcüstan) – 1:0
Teymur Rəcəbov (Azərbaycan) - Dmitri Yakovenko (Rusiya) – 0,5:0,5
Aniş Giri (Hollandiya) - Dmitri Andreykin (Rusiya) – 0,5:0,5
Leynier Dominques (Kuba) - Rüstəm Qasımcanov (Qazaxıstan) – 0,5:0,5
Pyotr Svidler (Rusiya) – Maksim Vaşye-Laqrav (Fransa) – 0,5:0,5

Turnir cədvəli: Tomaşevski – 3,5, Yakovenko, Giri, Qrişuk – 2,5, Rəcəbov, Məmmədyarov, Qasımcanov, Dominques – 1,5, Vaşye-Laqrav, Svidler, Andreykin – 1,5, Jobava – 0,5