Bir neçə gündür ki, kəskin qarlı hava şəraiti İstanbulda həyatı insanlar üçün çətinləşdirib. Hətta Atatürk Hava Limanında bir çox təyyarə relsləri də təxirə düşüb.
ANS TV-nin məlumatına görə, Türkiyədə müşahidə olunan qarlı və şaxtalı hava insan itkisinə səbəb olub. Amasya və Kocaəli vilayətlərində iki nəfər donvurmadan ölüb. İstanbulda hava şəraitinin kəskin pisləşməsi ilə əlaqədar ictimai və avia-nəqliyyatın işi iflic olub.
Hava limanlarında 800-dən çox daxili və beynəlxalq aviareys təxirə salınıb. Türkiyənin ən böyük aeroportu olan Atatürk Beynəlxalq Hava Limanı isə sanki bu günlərdə oteli xatırlardır. Türk hava yolları uçuşu təxirə salınan 10 min sərnişini otellərə yerləşdirib. Çoxlu sayda sərnişin isə elə aeroportdaca gecələməli olub.
Gecədən güclənən qar İstanbulda yolların buz bağlanmasına səbəb olub. Bir sıra ərazilərdə qarın hündürlüyü 60 santimetrə çatıb. Səhər saat altıdan yolların təmizlənməsinə cəlb edilən bələdiyyə işçiləri şəhərin mərkəzi küçələrində piyadaların gediş-gəlişini təmin etməyə çalışırlar.
İstanbulun iri magistral yollarında isə xeyli sayda minik avtomobili və yük maşınları yollarda qalıb.
Bursa-İzmir yolunun bağlanması səbəbindən yaranan avtomobil zənciri 10 kilometrə qədər uzanıb. Sürücülər şaxtalı havada saatlarla yolların açılmasını gözləməli olublar. Son iki gündə azı 100 avtomobil qəza törədib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
