"Yaxşı oyun oldu. "Beşiktaş"ı təbrik edirəm. Bundan sonra bütün diqqətimizi Premyer Liqaya yönəldəcəyik".
Qol.Az-ın Türkiyə mətbuatına istinadən verdiyi məlumata görə, bu sözləri "Liverpul"un baş məşqçisi Brendan Rocers "Beşiktaş"la oyundan sonra deyib.
Təcrübəli mütəxəssis komandasının bir səhv nəticəsində turnirdə mübarizəni dayandırdığını bildirib: "İlk hissədə qol vurmaq şanslarımız oldu. Fasilədən sonra yaxşı müdafiə olunduq. Bir səhv etdik ki, bundan sonra da qol buraxdıq. Təəssüf ki, İstanbul bu dəfə bizim üçün uğurlu olmadı. Ancaq yaxşı qarşılandıq. Cari mövsüm bir kubok qazanmaq istəyirik. Bu, Avropa Liqası ola bilərdi. Lakin fürsəti qaçırdıq".
Qeyd edək ki, Avropa Liqasının 1/8 finalının cavab görüşündə "Beşiktaş"a penaltilər seriyasında uduzan "Liverpul" turnirdə mübarizəni dayandırıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
