"Arsenal", "Latsio" və "Atletiko" yarımfinala yaxınlaşdı
Bu gün Avropa Liqasında 1/4 final mərhələsinin ilk oyunları keçirilib.
Qol.az-ın məlumatına görə, favoritlərdən hesab edilən London “Arsenal”ı öz meydanında Rusiyanın MOİK klubunu qəbul edib. Rəqib qapısından 4 qol keçirən "topçular" demək olar ki, yarımfinala vəsiqəni təmin edib.
Çempionlar Liqasında “Qarabağ”la eyni qrupda mübarizə aparan “Atletiko” Madriddə “Sportinq”lə qarşılaşıb. 2 cavabsız qolla qalib gələn ispanlar yarımfinala yaxınlaşıblar.
Turnirin sürpriz komandası olan “Zalsburq” səfərdə “Latsio”nun qonağı olub. Lakin Roma klubu sensasiyaya imkan verməyib. Matç "Latsio"nun 4:2 hesab qələbəsi ilə tamamlanıb.
Digər görüşdə də sevinən tərəf meydan sahibləri olub. “Leyptsiq” doğma azarkeşlər önündə “Marsel”i 1:0 hesabı llə üstələyib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.