Yaşın artması, qidalanma, sinir sisteminin vəziyyəti dərinin yağlılıq dərərcəsinin dəyişməsinə təsir edən əsas amillərdəndir.
Dəniz mövsümünün də yaxınlaşdığını nəzərə alsaq, quru dəriyə sahib insanlar daha diqqətli olmalıdırlar. Belə ki, normal yağ ifrazının pozulması dərinin vəziyyətinə mənfi təsir göstərir. Bu zaman dərinin elastikliyi azalır və çatlar əmələ gəlir. Günəş şüalarına, küləyə, yuxarı və ya aşağı temperaturlara qarşı həssaslığı artır, qıcıqlanır, qırmızı ləkələrlə örtülür.
Medicina.az bildirir ki, kosmetoloq Aida Məmmədovanın sözlərinə görə, dərinin qurumasına mədə-bağırsaq funksiyalarının pozulması, orqanizmə lazım olan vitaminlərin çatışmazlığı və hətta bəzi vacib elemetlərin ümumiyyətlə mövcud olmaması, daxili sekresiya vəzilərinin fəaliyyətini dəyişməsi kimi amillər də səbəb ola bilər:
"Bir sıra xarici amillər - günəş, külək, dəniz suyu, isti soba yanında iş dərinin quruluğunu artırır. Bunun qarşısını almaq üçün dəriyə düzgün gigiyenik qulluğun qaydalarını bilmək lazımdır. Məsələn, küçəyə çıxmazdan əvvəl üzü su ilə yumaq, tərkibində spirt olan kosmetik vasitələrdən, pudralardan, ağardıcı mazlardan istifadə etmək bu cür dəri üçün yol verilməzdir".
Mütəxəssis, quru dəriyə sahib şəxslərin ən çox etdiyi səhvlərdən birinin üzlərini yuduğu su ilə əlaqədardır. Həkimin sözlərinə görə, kran suyu ilə üzü yumaq düzgün deyil:
"Quru dərini yay aylarında sərin, qış aylarında isə otaq temperaturunda olmaqla, ancaq içməli və ya mineral su ilə, ən pis halda isə qaynadılmış su ilə yumaq lazımdır. Soyuq, isti, cod su quru dəri üçün mütləq əks göstəriş sayılır. Qulluq zamanı sabunlardan da istifadə edilməməlidir. Quru dərini təmizləmək üçün məhz bu növ dəri tipləri üçün nəzərdə tutulmuş təmizləyici vasitələrdən ("Penka" və s.) istifadə etmək lazımdır. Bu vasitələr demək olar ki köpüklənmir və onlardan istifadədən sonra üz dərisinin dartılması hissiyyatı baş vermir".
Mütəxəssis qıcıqlanmaya və qızarmağa meylli olan dərilər üçün hazırlanan xüsusi preparatlarla təmizləməyi tövsiyə edib:
"Dərini təmizlədikdən sonra toniklə silin və yüngül gündüz kremi çəkin. Nazik qatla dəriyə çəkdikdən 20 dəqiqə sonra kremin qalıqlarını yumşaq salfetlə silin. Həmçinin yay aylarında da günəş şüalarından qoruyucu kremlərdən istifadə mütləqdir".
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
