"İnter" 22 ildən sonra darmadağınla finala yüksəlib
Avropa Liqasında ikinci finalçı müəyyənləşib.
Apasport.az saytının məlumatına görə, bu gün növbəti yarımfinal oyunu keçirilib.
İkinci cütdə "İnter" Donetsk "Şaxtyor"u ilə qarşılaşıb. Əla formada olan son vaxtların iki məğlubedilməz komandasının duelindən italyanlar qalib ayrılıb. Milan təmsilçisi uğurlu seriyasını davam etdirib.
Ukrayna təmsilçisi üzərində böyükhesablı qələbə qazanan Antonio Kontenin yetirmələri finala yüksəlib. Bununla "neradzurra" 22 illik final həsrətinə son qoyub və 5-ci dəfə bu turnirin həlledici matçında iştirak hüququ qazanıb. Komanda sonuncu dəfə 1998-ci ildə turnirin adı UEFA Kuboku olanda finalda oynayıb. Martdan bəri ilk məğlubiyyətini alan "Şaxtyor" isə 2009-cu ildəki nailiyyətini təkrarlaya bilməyib.
Beləliklə, "İnter" avqustun 21-də Kölndə keçiriləcək final oyununda turnirin beşqat qalibi və rekordçusu "Sevilya" ilə qarşılaşacaq.
Avropa Liqası Yarımfinal 17 avqust 23:00. "İnter" (İtaliya) - "Şaxtyor" (Ukrayna) - 5:0 Qollar: Martines, 19, 74, D Ambrosio, 64, Lukaku, 78, 84 Baş hakim: Şimon Marçinyak (Polşa) Düsseldorf. "Merkur Şpil Arena"
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
