Oyun xaricindəki Avropanı böyük oyunun daxilinə çəkmək istəyirlər.
Axar.az xəbər verir ki, bu sözləri türkiyəli hərbi və təhlükəsizlik üzrə ekspert Abdullah Ağar Vyana terroru ilə bağlı açıqlamasında deyib.
“Kimlərsə bütün bəşəriyyət üçün ölümcül oyun oynayır. Qurama hadisə (Vyana terroru) olduqca təhlükəlidir. Xüsusilə, Avropada oyun xaricindəki söz sahibləri, dövlətlər, kəşfiyyat rəhbərlərinin üzərinə böyük vəzifə düşür”, - deyə Ağar bildirib.
Qeyd edək ki, Vyanada şəhərin fərqli nöqtələrində baş verən terror aktında 2 nəfər ölüb, 15 nəfər isə yaralanıb.
