"Qarabağ" klubu "İnter" matçında ləğv edilən qola görə yenidən beynəlxalq məhkəməyə müraciət edəcək. Cia.az-ın məlumatına görə, Ağdam təmsilçisi UEFA Avropa Liqasında "İnter" ilə qarşılaşmanın son dəqiqəsində vurduğu qolun sayılmamasından sonra İdman Arbitraj Məhkəməsinə (CAS) müraciə etmək barədə qərar qəbul edib.
Klubu CAS-da təmsil edəcək türk vəkil Qaye Günal "İnter" matçındakı epizodun ofsayt kimi qiymətləndirildiyini ifadə edib: "Normalda UEFA qaydalarına görə, hakim qərarlarına etiraz edilmir. Bunun açıq-aydın bir qayda pozuntusu olması səbəbiylə şikayətimizə baxıldı. Hazırda da CAS-a müraciət edərək UEFA-nın verdiyi qərarın ləğvini tələb edəcəyik. Günal bildirib ki, CAS prosesi təxminən 5-6 aya qədər davam edəcək.
Xatırladaq ki, Avropa Liqasının qrup mərhələsinin son turunda "Qarabağ" İtaliyanın "İnter" klubu ilə üz-üzə gəlmişdi. Matçın sonuncu dəqiqələrində Riçard Almeydanın qapıya yol tapmasına baxmayaraq, qol hesaba alınmayıb və oyun 0:0 hesabı ilə başa çatıb. Nəticədə isə ağdamlılar "pley-off"a vəsiqə qazanmaq şansından məhrum edilib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.