Cis.az TASS informasiya agentliyinə istinadla xəbər verir ki, ABŞ Yəməndə hakimiyyətdə olan "Ənsar Allah" təşkilatının hərbi infrastrukturuna zərbələr endirib, husilərin HHM sistemini, yerüstü idarə sistemini və bir dronunu məhv edib. Bu barədə məlumatı ABŞ Silahlı Qüvvələrinin Mərkəzi Komandanlığı (CENTCOM) verib. Komadanlığın X şəbəkəsindəki hesabında zərbələrin aprelin 8-də, Səna vaxtı ilə saat 12.15-14.49 arasında endirildiyi bildirilir. ABŞ Mərkəzi Komandanlığı aprelin 7-də, Səna vaxtı ilə 08.00-da Yəmən ərazisindən Ədən körfəzinə doğru gəmiəleyhinə ballistik raket atıldığını da bəyan edib. Raket atılan zaman körfəzdə koalisiyanın gəmisi Böyük Britaniyaya məxsus, Marşal Adaları bayrağı altında və italyan heyəti ilə üzən "Hope Island" gəmisini müşayiət edirmiş. ABŞ, koalisiya və ticarət gəmilərinin zədələnib-zədələnmədiyi, dağıntı, yaxud tələfat olub-olmadığı barəsində məlumat verilməyib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
Birləşmiş Ştatlar İran hakimiyyətinin Vaşinqtonun irəli sürdüyü şərtlərlə razılaşmayacağı təqdirdə, Tehrana qarşı növbəti hərbi əməliyyat həyata keçirə bilər.
