Bu ölkədə uçan taksilər fəaliyyətə başlayır - 10 DƏQİQƏLİK UÇUŞUN QİYMƏTİ...
Şanxayda 10 dəqiqəlik hava taksisi uçuşunun qiyməti 59 yuan (təxminən 8,3 ABŞ dolları) təşkil edəcək.
Bu barədə Şanxay Televiziyası məlumat yayıb. Plan Vertaxi şirkəti tərəfindən 8-ci Çin Beynəlxalq İdxal Sərgisində (CIIE) təqdim olunub.
Şirkətin təqdim etdiyi nəqliyyat vasitəsi elektriklə işləyən, şaquli qalxış və eniş edə bilən uçan aparatdır. Vertaxi nümayəndələrinin sözlərinə görə, belə taksi ilə 10 dəqiqə ərzində nəhəng şəhərin yarısını qət etmək mümkündür. Məsələn, Honçyao nəqliyyat qovşağından şəhərin mərkəzində yerləşən Luçyatszuy biznes rayonuna qədər. Müqayisə üçün, bu məsafəni avtomobillə getmək təxminən 40 dəqiqə çəkir.
Hazırlayıcı şirkətin hesablamalarına əsasən, ilkin mərhələdə tariflər adi taksi qiymətlərindən bir qədər yüksək olacaq, lakin uçuş marşrutlarının genişlənməsi ilə qiymətlər kəskin şəkildə aşağı düşəcək. Qısa məsafəli uçuşların qiyməti 50 yuandan (təxminən 7 dollar), şəhərlərarası reyslər isə 100 yuandan (təxminən 14 dollar) başlayacaq./apa
Rusiya Silahlı Qüvvələri Zaporojye vilayətində yaşayış məntəqəsini nəzarətə götürüb. Cia.az xəbər verir ki, bu barədə məlumatı Rusiya Müdafiə Nazirliyinin Mətbuat Xidməti yayıb.
Ağ Evin Prezidenti Donald Tramp 6 yanvar 2021-ci il nitqinin “Panorama” proqramında yanlış montaj edilməsinə görə BBC-dən 5 milyard dollara qədər təzminat tələb etməyi planlaşdırır.
Ermənistanın keçmiş müdafiə naziri (3 avqust - 15 noyabr 2021-ci il tarixlərində vəzifəsində çalışıb) Arşak Karapetyana qarşı cinayət işi açılıb.
Cia.az xəbər verir ki, bu barədə Ermənistan mediası məlumat yayıb.
Liviya Milli Birlik Hökuməti noyabrın 6-da 2015-ci ildə Beyrutda həbs edilmiş Liviya lideri (1969-2011) Müəmmər Qəddafinin oğlu Hannibal Qəddafinin azad edildiyini elan edib.
