İstanbulda müşahidə olunan güclü fırtına şəhərin bir çox rayonunda gündəlik həyata ciddi təsir göstərib. Güclü külək nəticəsində bəzi binaların dam örtükləri qoparaq ətrafa səpələnib, ağaclar aşıb, nəqliyyatın hərəkətində çətinliklər yaranıb.
Fatih rayonunun Sarayburnu ərazisində yerləşən kafelərdən birində güclü küləyin təsiri ilə iri çətirlər aşaraq müştərilərin üzərinə düşüb. Hadisə nəticəsində bir neçə nəfər yüngül xəsarət alıb.
Üsküdarda cənub küləyinin güclənməsi dənizdə dalğaların hündürlüyünü artırıb, sahilboyu hərəkəti çətinləşdirib. Küləyin qopardığı çadır parçasının bir nəfərin üzərinə düşməsi nəticəsində həmin şəxs xəsarət alıb.
Ümraniyə rayonunda güclü külək binanın dam örtüyünün hissələrini qopararaq ətrafa səpələyib. Küçüksu küçəsində isə aşan ağac yolun hərəkət hissəsini bağlayaraq nəqliyyatın hərəkətini müvəqqəti dayandırıb.
Büyükçekmece rayonunun Mimaroba məhəlləsində küləyin aparmaması üçün kafe çətirinin üzərinə çıxan işçilərin çətirlə birlikdə sürüklənməsi anı təhlükəsizlik kamerası tərəfindən qeydə alınıb.
Bəyoğlunun Örnektepe, Etibank küçəsində isə güclü külək yaşayış binasının damını qopararaq yola atıb. Hadisə nəticəsində bir nəfər yüngül xəsarət alıb./Ajans.az
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
Birləşmiş Ştatlar İran hakimiyyətinin Vaşinqtonun irəli sürdüyü şərtlərlə razılaşmayacağı təqdirdə, Tehrana qarşı növbəti hərbi əməliyyat həyata keçirə bilər.
