Ərdoğanın yanından getdi - İki partiya dəyişdi, bir də qayıtdı
Türkiyə Böyük Millət Məclisində siyasi qüvvələr balansında dəyişiklik baş verib.
Cia.az xəbər verir ki, Yeni Yol Partiyasından istefa verərək müstəqil deputat kimi fəaliyyət göstərən Bursa millət vəkili Cəmaləddin Kani Torun hakim AK Partiyaya qoşulub.
Türkiyə Prezidenti Rəcəb Tayyib Ərdoğan AK Partiyanın Mərkəzi Qərar və İdarə Heyətinin iclasında Torunun yaxasına şəxsən partiya nişanını taxıb.
Məlumata görə, Torun 2026-cı il avqustun 31-də Yeni Yol Partiyasından istefa verib. Təxminən ay yarım müstəqil deputat kimi fəaliyyət göstərdikdən sonra yenidən AK Partiyaya qayıdıb.
Maraqlıdır ki, Torun əvvəllər də AK Partiyanın deputatı olub. O, Türkiyə parlamentinin 25-ci və 26-cı çağırışlarında Bursa şəhərini təmsil edib. Sonradan Əhməd Davudoğlunun rəhbərlik etdiyi Gələcək Partiyasının qurucuları sırasına qoşulub.
1959-cu ildə Artvində doğulan Torun ixtisasca həkimdir. O, 2011–2014-cü illərdə Türkiyənin Somalidəki səfiri vəzifəsində çalışıb.
Yeni keçid nəticəsində AK Partiyanın parlamentdəki deputatlarının sayı 280-dən 281-ə yüksəlib. Müstəqil deputatların sayı isə 11-dən 10-a düşüb.
Hazırda Türkiyə Böyük Millət Məclisində ümumilikdə 592 deputat fəaliyyət göstərir.
Müharibə ilə əlaqədar əlilliyi müəyyən edilmiş şəxslərin və şəhid ailələrinin mənzil və ya fərdi evlərlə, eləcə də onların reabilitasiya vasitələri və reabilitasiya xidməti ilə təmin edilməsi 2022-2029-cu illərdə formalaşmış dövlət icbari şəxsi sığorta vəsaiti hesabına həyata keçiriləcək.
Prezident İlham Əliyev Azərbaycanda paralimpiya hərəkatının inkişafında xidmətləri olan şəxslərin “Tərəqqi” medalı ilə təltif edilməsi haqqında sərəncam imzalayıb.
Azərbaycan Respublikasının Prezidenti İlham Əliyevin müdrik rəhbərliyi altında dövlətimizin orta güc olaraq meydana çıxması, qətiyyətli xarici siyasəti, beynəlxalq nüfuzunun ildən-ilə artması, beynəlxalq enerji təhlükəsizliyinə verdiyi töhfə, regional tranzit dəhlizlərindəki strateji əhəmiyyəti və ölkədaxili siyasi-iqtisadi sabitlik xarici aktorların Azərbaycana qarşı hibrid hücumlarının miqyasını xeyli artırıb.
Türkiyədə növbəti prezident seçkilərinin 2028-ci ilin mart və ya aprel aylarında keçirilməsi gözlənilir. Prezident Rəcəb Tayyib Ərdoğanın baş müşaviri Mehmet Uçum onun növbəti seçkidə də namizəd olacağını bildirib.
