Ukrayna ilə bağlı SON DƏQİQƏ MƏLUMATI – Saat 08:00-dan etibarən...
Ukraynanın bəzi regionlarında səhər saat 08:00-dan günün sonuna qədər elektrik kəsintiləri tətbiq olunacaq.
Cia.az xəbər verir ki, bu barədə "Ukrenerqo" Milli Enerji Şirkəti məlumat yayıb.
Bildirilir ki, məhdudiyyətlərin tətbiq edilməsinə səbəb Rusiyanın raket və pilotsuz uçuş aparatları ilə həyata keçirdiyi hücumların Ukraynanın enerji sisteminə vurduğu zərərdir.
"Ukrenerqo" qeyd edib ki, enerji sistemində vəziyyət dəyişə bilər. Buna görə də vətəndaşlara yaşadıqları ünvan üzrə elektrik kəsintisinin vaxtı və müddəti barədə məlumatı öz regionlarının rəsmi enerji şirkətlərinin səhifələrindən yoxlamaq tövsiyə olunur.
Bundan əlavə, mütəxəssislər vətəndaşları elektrik enerjisi qrafikə uyğun olaraq verildiyi zaman ondan mümkün qədər qənaətlə istifadə etməyə çağırıblar.
İstanbulda müşahidə olunan güclü fırtına şəhərin bir çox rayonunda gündəlik həyata ciddi təsir göstərib. Güclü külək nəticəsində bəzi binaların dam örtükləri qoparaq ətrafa səpələnib, ağaclar aşıb, nəqliyyatın hərəkətində çətinliklər yaranıb.
ABŞ prezidenti Donald Tramp iyulun 16-da xalqa ünvanlayacağı növbəti müraciətində ABŞ ilə İran arasındakı hərbi münaqişə mövzusuna toxunmaq niyyətindədir.
