Macarın qələbəsi Gürcüstan müxalifətini ruhlandırıb
Gürcüstanda "Gürcü arzusu" partiyasının əleyhdarları inanırlar ki, bu partiya tezliklə parlament seçkilərində məğlub olan Macarıstanın "Fides" partiyasının ardınca gedəcək.
Cia.az xarici mediaya istinadla xəbər verir ki, Gürcüstan müxalifətçiləri həmçinin Avropa İttifaqından ölkədəki hakim rejimin sonunu sürətləndirəcək yeni sanksiyalar gözləyirlər.
"Güclü Gürcüstan - Lelo" partiyasının liderlərindən biri olan Qriqol Gegeliya bildirib ki, Budapeştdəki hadisələr hətta avtoritar rejimlərin də seçkilərlə bitə biləcəyini göstərdi.
"Domino effekti kimi, biz tezliklə eyni şeyi Slovakiyada, Çexiyada, Serbiyada və əlbəttə ki, Gürcüstanda görəcəyik... Macar xalqı "Gürcü arzusu"nun Avropadakı yeganə tərəfdaşından əl çəkib və çox tezliklə gürcü xalqı onun peyk rejimindən əl çəkəcək", - Gegeliya qeyd edib.
Birləşmiş Milli Hərəkatdan bildiriblər ki, “Tisa”nın qələbəsi Avropadakı demokratik qüvvələri gücləndirməli və Rusiya tərəfdarlarını zəiflətməlidir.
Xatırladaq ki, ötən bazar günü Macarıstanda keçirilən parlament seçkilərində Peter Macarın rəhbərlik etdiyi “Tisa” müxalifət partiyası 16 ildən bəri ölkəni idarə edən Viktor Orbanın partiyasına qalib gəlib.
İsrailin hava zərbələri nəticəsində ağır yaralanmış İranın Ali Rəhbəri Müctəba Xameneinin müşaviri və ölkənin Xarici Əlaqələr üzrə Strateji Şurasının rəhbəri Kamal Xarazi həyatını itirib.
İraqdakı İslam Müqaviməti daxilindəki militant şiə qrupları həm İraq daxilində, həm də xaricində ABŞ və İsrail hədəflərinə qarşı hərbi əməliyyatlarının iki həftəlik dayandırıldığını elan ediblər.
Aprelin 7-nə keçən gecə və çərşənbə axşamı səhər saatlarında İranın bütün ərazisində, Tehrandan tutmuş ölkənin cənub sahillərinə qədər geniş bir zonada silsilə partlayışlar baş verib.
Rusiya Silahlı Qüvvələri şənbə günü, aprelin 4-ü yerli vaxtla saat 09:50 radələrində Nikopol şəhərindəki bazara pilotsuz uçuş aparatı (PUA) ilə zərbə endirib.
