Qeyri-sabit hava şəraiti ilə bağlı SON DƏQİQƏ AÇIQLAMASI
Payızın ikinci ayı başa çatmaq üzrə olsa da, Azərbaycanda hava şəraiti hələ də yaz-yay aylarını xatırladır.
Oktyabrın son ongünlüyündə havanın mülayim və isti keçməsi, temperaturun mövsüm üçün gözlənilən payız mənzərəsini yaratmaması diqqət çəkir. Yalnız bu gün ölkənin bəzi rayonlarında yağış müşahidə olunub.
Bəs payızın bu qeyri-adi gedişatı nə ilə bağlıdır və isti hava nə vaxta qədər davam edəcək?
Ekoloq Ənvər Əliyev Musavat.com-a açıqlamasında bildirib ki, havanın bu cür keçməsinin əsas səbəblərindən biri cənub və cənub-qərb istiqamətindən gələn hava kütlələridir.
Onun sözlərinə görə, Xəzər dənizinin təsiri ilə bu hava kütlələri atmosferdə rütubətin artmasına səbəb olur. Yüksək rütubət isə insanların havanı daha ağır hiss etməsi ilə nəticələnir:
“Hazırkı hava şəraiti daha bir ay, hətta ay yarım davam edə bilər. Bununla belə, şimaldan gələn hava kütlələrinin vəziyyəti dəyişə biləcəyi də istisna deyil. Qarşıdakı dövrdə hava şəraitinin necə dəyişəcəyini izləmək lazımdır. Şimal istiqamətindən gələn hava axınlarının təsiri ilə temperaturda dəyişikliklərin baş verməsi mümkündür”.
Bəs yağışlı hava davam edəcəkmi?
Milli Hidrometeorologiya Xidmətinin Proqnozlar Bürosunun direktoru Gülşad Məmmədova Musavat.com-a açıqlamasında bildirib ki, yağışlı hava şəraiti bu gün də davam edəcək:
“Sabaha gəlincə, Azərbaycanın rayonlarında bəzi yerlərdə fasilələrlə yağış yağacağı gözlənilir. Ayrı-ayrı yerlərdə yağıntıların leysan xarakterli intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var”.
Oktyabrın 23-də Yasamal Rayon Enerji Təchizatı və Satışı İdarəsinə (RETSİ) daxil olan Transformator Məntəqəsində (TM) təmir, 10 kV-luq hava xətləri üzrə isə naqillərin yenilənməsi işləri aparılacaq. Həmçinin Abşeron RETSİ-nin xidməti ərazisində 35/10 kV-luq “Masazır” yarımstansiyasından çıxan 10 kV-luq “Şəhər-2” hava xəttində təmir işləri həyata keçiriləcək.
Azərbaycanda təcili və ya kiçikhəcmli maliyyə ehtiyaclarını qarşılamaq üçün banklarla yanaşı Bank Olmayan Kredit Təşkilatları (BOKT) da müxtəlif minimum limitlərdə kredit imkanları təqdim edir.
Oktyabrın 21-də saat 08:00-dan etibarən Bakının Qaradağ rayonunun Müşfiqabad qəsəbəsində - Yeni Həyat küçəsinin Şirvan küçəsi ilə kəsişməsindən 10-cu Müşfiqabad küçəsi ilə kəsişməsinədək olan hissəsində təmir işləri aparılacaq.
Oktyabrın 20-si azarkeşlərin Bakı Olimpiya Stadionuna rahat gediş-gəlişini təmin etmək məqsədilə “Sabah” futbol klubunun təşəbbüsü və AYNA-nın dəstəyilə ödənişsiz avtobuslar təşkil olunacaq.
Abonentlərin daha keyfiyyətli və dayanıqlı elektrik enerjisi ilə təmin olunması məqsədilə oktyabrın 20-də Yasamal Rayon Enerji Təchizatı və Satışı İdarəsinin xidmət ərazisində yerləşən transformator məntəqəsində təmir işləri aparılacaq.
