"Kəpəz"in futbolçusunu Benzemanın həkimi əməliyyat edəcək
"Kəpəz" klubunun zədəli futbolçusu Dario Frederiko bu gün Braziliyada əməliyyat olunacaq.
24 yaşlı yarımmüdafiəçi eyni zamanda iki əməliyyat keçirəcək. Menisk zədəsi olan oyunçu vətənində yenidən müayinədən keçib və xaçabənzər diz bağının hissəvi qırılması üzə çıxıb. Braziliyalının hər iki əməliyyatının xərcləri və bərpaedici proses üçün tələb olunan maliyyə vəsaiti Müşahidə Şurasının sədri Elmir Vəliyevin tapşırığına əsasən klub tərəfindən ödəniləcək.
Frederikonu əməliyyat etmək üçün Fransadan həkim dəvət olunub. Bu həkim vaxtilə Kərim Benzemanı da əməliyyat edib. Gəncə təmsilçisinin üzvünün düşərgəyə qayıdışı gələn ilin aprelinə təsadüf edəcək.
Qeyd edək ki, Dario Frederiko Azərbaycan Premyer Liqasının XII turunda AZAL-la oyunda zədələnib
Qambiya milli futbol komandasının bir neçə futbolçusu və heyət üzvü Afrika Millətlər Kubokunda iştirak üçün Kot-d'İvuara uçarkən təyyarədə huşlarını itiriblər.
