"Azərbaycanda çörəyin qiymətinə təsir edən əsas amil təbii ki, buğdadır".
Cia.az xəbər verir ki, bunu News24.az-a açıqlamasında iqtisadçı-ekspert Natiq Cəfərli deyib.
Ekspert təsir edən amil olaraq buğdadan hazırlanan un və onun qiymətinin də olduğunu bildirib:
"Hələlik, buğda qiymətlərində ciddi bir bahalaşma yoxdur. Əksinə, dünya bazarında müəyyən ucuzlaşma da var. Ancaq Azərbaycanın daxilində qiymətə təsir edən spesifik məsələlər də var. Bu, əsasən, dizel yanacağının qiymətidir. Azərbaycanda son bir ayda dizel yanacğının qiyməti 20 % yüksəlib. Dizel yanacağının qiymətinin artması payızlıq buğdanın maya dəyərini yüksəldə bilər. Əgər, payızlıq buğdanın maya dəyəri bahalaşarsa, çörəyin qiyməti də bahalaşa bilər. Bu, prosesin yaxın zamanlarda deyil də, payız aylarında qışa yaxın baş vermə ehtimalı yüksəkdir".
İqtisadçı-ekspert Eldəniz Əmirov isə yaxın aylarda çörəyin qiymətində bahalaşmanın olmayacağını deyib:
"Hazırda dünya bazarlarında buğdanın qiyməti, eyni zamanda da Azərbaycanın taxıl idxalı ilə bağlı strateji yanaşması imkan verir ki, yaxın aylarda çörəyin qiymətində hər hansısa bahalaşma olmasın".
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
