Mütəxəssislər bildirirlər ki, zibil qabının düzgün yerdə yerləşdirilməsi xoşagəlməz qoxuların, bakteriyaların və həşəratların yaranmasının qarşısını almağa kömək edir. Demək olar ki, hər evdə zibil qabı olsa da, onun harada saxlanılmasının sağlamlıq və gigiyena baxımından nə qədər vacib olduğu çox vaxt nəzərə alınmır.
Mütəxəssislər zibil qabının səhv yerdə yerləşdirilməsinin bakteriyaların çoxalmasına, pis qoxuların yayılmasına və həşəratların cəlb olunmasına səbəb ola biləcəyini hesab edirlər.
Zibil qabını hansı yerlərdə saxlamaq olmaz?
Plitənin yanında
Ən çox rast gəlinən səhvlərdən biri zibil qabını plitənin və ya yemək hazırlanan iş masasının yanında yerləşdirməkdir.
Yemək bişirilərkən havaya qalxan tullantı hissəcikləri, bakteriyalar və xoşagəlməz qoxular qida məhsullarının üzərinə çökə bilər. Bundan əlavə, plitənin yaratdığı istilik üzvi tullantıların daha tez çürüməsinə səbəb olur və pis qoxu qısa müddətdə yaranır.
İstilik mənbələrinin yaxınlığında
Radiator, qızdırıcı və digər istilik mənbələrinin yaxınlığı da zibil qabı üçün uyğun yer hesab edilmir.
İstilik bakteriya və göbələklərin sürətlə çoxalması üçün əlverişli şərait yaradır. Bu isə tullantıların daha tez xarab olmasına, həmçinin milçək və digər həşəratların yaranma riskinin artmasına səbəb olur.
Giriş qapısının yanında
Bəzi insanlar zibili rahat çıxarmaq üçün qabı giriş qapısının yanında saxlayırlar. Lakin mütəxəssislər bunu tövsiyə etmirlər.
Qapı açıldıqda təmiz hava ilə birlikdə zibil qoxusu da evin digər hissələrinə yayıla bilər. Bundan əlavə, girişdə yerləşən zibil qabı həm estetik baxımdan xoş görünmür, həm də hərəkətə mane ola bilər.
Yataq otağında və istirahət məkanlarında
Yataq otağında hətta kiçik ölçülü zibil qabının saxlanılması da məsləhət görülmür.
Qida qalıqları, istifadə olunmuş salfetlər və digər tullantılar zaman keçdikcə mikroorqanizmlər və xoşagəlməz qoxular yayır. Xüsusilə gecə saatlarında zibilin otaqda qalması havanın keyfiyyətinə mənfi təsir göstərə bilər.
Birbaşa günəş şüalarının altında
Günəş şüalarının birbaşa düşdüyü yerlər də zibil qabı üçün uyğun deyil.
Günəş qabı və onun içindəkiləri qızdırdığı üçün tullantıların parçalanma prosesi xeyli sürətlənir. Yay aylarında bu, cəmi bir neçə saat ərzində kəskin pis qoxunun yaranmasına səbəb ola bilər. (Lent.az)
Bu ilin birinci yarısında pensiya ödənişlərinə ötən ilin eyni dövrü ilə müqayisədə 10 faiz (368 milyon manat) çox - ümumilikdə 3 milyard 916 milyon manat vəsait xərclənib.
Bu gün Biləcəri Enerji Təchizatı və Satışı İdarəsinin (ETSİ) ərazisində 110/35/6 kV-luq “ETK-4” yarımstansiyasından çıxan 6 kV-luq “Masazır-1” və “Masazır-2” hava xətlərində yenidənqurma işləri həyata keçiriləcək. Cia.az xəbər verir ki, bu barədə “Azərişıq” ASC məlumat yayıb.
Astroloq Dinçer Güner bildirib ki, təxminən dörd gün təsirini göstərəcək Venera-Uran kvadrat aspekti həm münasibətlərdə, həm də gündəlik həyatda gözlənilməz hadisələrə səbəb ola bilər.
Azərbaycan Qiymətləndiricilər Palatasının iyun ayı üzrə açıqladığı daşınmaz əmlak indeksinə görə, kirayə mənzil bazarında qiymət sabitliyi qorunub. Yeni tikili mənzillər üzrə kirayə indeksi 101 köhnə tikili mənzillər üzrə isə 100 bənd səviyyəsində qalıb. Bu göstəricilər bazarda volatilliyin aşağı olduğunu və qiymətlərin əsasən ödəmə qabiliyyəti ilə uzlaşan çərçivədə formalaşdığını təsdiqləyir.
Azərbaycanın bəzi rayonlarında müşahidə olunan fasilələrlə yağıntılı hava şəraitinin iyulun 9-u gündüzədək davam edəcəyi, bəzi yerlərdə yağış yağacağı, şimşək çaxacağı gözlənilir.
Azərbaycanda su infrastrukturunun müasirləşdirilməsi və rəqəmsal idarəetməyə keçid istiqamətində mühüm mərhələ başlayır. Su itkilərinin minimuma endirilməsi, qəzalara operativ müdaxilənin təmin edilməsi və istehlakın daha dəqiq uçotunun aparılması məqsədilə istismar müddətini başa vurmuş mövcud sayğaclar uzaqdan oxunan yeni nəsil texnologiyalarla əvəz olunacaq. Bu innovativ addım ölkənin su təchizatı zəncirinin mənbədən son istehlakçıya qədər tam avtomatlaşdırılmasını hədəfləyən genişmiqyaslı layihələrin əsas tərkib hissəsidir.
