Xəbər verdiyimiz kimi, iki gün əvvəl Kazım Hüseynəliyev Naxçıvan Muxtar Respublikasına iqtisadiyyat naziri təyin olundu. Bir gün sonra isə onun nazir postuna təyinatı ilə bağlı xəbər NMR-nın rəsmi informasiya vasitələrindən silindi. Yayılan qeyri rəsmi xəbərlərdə bildirilirdi ki, K. Hüseynəliyevin bu posta təyini ilə bağlı sərəncam ləğv olunub.
Lakin dünən günün ikinci yarısında daha bir məlumat yayıldı. Həmin xəbərdə isə bildirilirdi ki, mayın 8-də NMR-nın Ali Məclisinin iclası keçirilib və orada Hüseynəliyevin nazir postuna təyinatı təsdiqlənib.
Maraqlıdır, Naxçıvanda nə baş verir və bu nazir-nazir oyununun arxasında nə dayanır.
Naxçıvanda olan siyasi şərhçi Heydər Oğuz “Yeni Sabah”a açıqlamasında gizli məqamları dilə gətirib. O, bildirib ki, Naxçıvanın yeni iqtisadiyyat naziri Kazım Hüseynəliyevin bu posta namizədliyi Bakıdan təklif olunub:
“Muxtar respublikada bu işləri həyata keçirən şəxs Ali Məclisin sədridir. Naxçıvanda isə Ali Məclisin sədri yoxdur və onun vəzifələrini sədrin birinci müavini Bəxtiyar Məmmədov icra edir. Bəxtiyarın vasitəsi ilə 1-2 gün bundan öncə Kazım Hüseynəliyevi Naxçıvan iqtisadiyyat nazirinin əvəzi qoymuşdular.
Deyilənlərə görə, Fuad Nəcəfli bu təyinata etiraz edib. O bu qərarı mediada oxuyub və bu təyinatın baş tutmamasına çalışıb. Halbuki, Fuad Nəcəflinin hansısa vəzifəyə təyin etmə hüququ yoxdur və onun səlahiyyətlərinə aid olan məsələ deyil.
Bildiyim qədəri ilə bu gün Fuad Nəcəfliyə Bakıdan irad gəlib və deyilib ki, sən bu işlərə qarışma. Naxçıvanda faktiki olaraq, hakimiyyət parçalanması, hökumət qüvvələri arasında didişmələr hiss olunur. Muxtar respublikada baş nazirlə prezidentin təyin etdiyi nümayəndə arasında ziddiyyət var idi. Kazım Hüseynəliyev Naxçıvan Muxtar Respublikası baş naziri Ceyhun Cəlilovun sinif yoldaşıdır. İqtisadiyyat naziri vəzifəsi “yağlı” yerdir və ora kimin təyin olunması ilə bağlı mübarizə gedirdi”.
“Vesta Construction” MTK-nın təsisçisi Ceyhun Musazadə oğlu Quliyevin həbs olunması ilə bağlı yayılan məlumatlar uzun illərdir yığılıb qalan narazılıqların kulminasiya nöqtəsinə çevrilib. Musavat.com-a verilən məlumata görə, şirkət rəhbəri eyni mənzilin bir neçə nəfərə satılması kimi ağır qanun pozuntularına yol verib.
Aprelin 1-dən 2-nə keçən gecə Bakı şəhəri, Bülbül prospekti 20 ünvanında yerləşən ölkə əhəmiyyətli memarlıq abidəsi (123 inventar nömrəli) olan Nizami Kino Mərkəzinin binası naməlum şəxs və ya şəxslər tərəfindən müdaxiləyə məruz qalıb. Həmin şəxslər binanın fasadına boya vasitəsilə cızma-qara edib, müxtəlif söz və ifadələr yazıblar.
Bəzən daşınmaz əmlak, xüsusən həyət evi və mənzil alan vətəndaşlar sonradan bir sıra problemlərlə qarşılaşırlar. Ya evin altından kanalizasiya kollektoru keçir, ya mənzilin daxilində problemlər yaranır, ya da ki, keyfiyyətsiz materiallar zamanla qopub tökülür. Hətta 1 mənzilin 3-4 nəfərə satıldığı hallar da yaşanır.
Xəbər verdiyimiz kimi, Bloqer Çelsi Baxşıyeva Fövqəladə Hallar Nazirliyinin əməkdaşı Anar Pirməmmədovla sevgi münasibəti yaşadığını, sonradan onun evli və iki uşaqlı olduğunu öyrəndiyini açıqlayıb.
Quba rayonunun keçmiş icra başçısı Rauf Həbibovla bağlı bir qrup usta və fəhlə redaksiyamıza müraciət edib. Şikayətçilər bildirirlər ki, keçmiş icra başçısı Mərdəkan qəsəbəsində həyat yoldaşı üçün 2023-cü ildə inşa etdirdiyi lüks saunaya görə onların haqqı olan 53 min manatı ödəməkdən boyun qaçırıb.
Abşeron rayonunun müxtəlif ünvanlarında qeyri-qanuni və qanunvericiliyin tələblərini kobud şəkildə pozmaqla həyata keçirilən tikinti işlərinin qarşısı alınıb.
"Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı"na əsasən, paytaxtda yol-nəqliyyat şəbəkəsinin yenilənməsi məqsədilə ümumilikdə 24 yol infrastrukturu layihəsinin icrası nəzərdə tutulub.
Dünyada dövlət vəsaitlərinin xərclənməsi üzərində ali maliyyə nəzarətini həyata keçirən qurumlar məmur aparatının ən çox çəkindiyi subyektlər olur: büdcədən alınan hər qəpiyə görə həmin quruma izahat vermək ehtimalı böyükdür. Çünki belə qurumlar vətəndaşların, biznesin ödədiyi vergilərdən formalaşan dövlət büdcəsi vəsaitlərinin mənimsənilməsinin qarşısını alan əsas orqanlardan biri olur, vaxtaşırı büdcədən çox pul alan təşkilatları yoxlayır, layihələri araşdırır. Və belə qurumlara adətən böyük səlahiyyətlər verilir ki, heç kimdən qorxmadan büdcə vəsaitlərinin oğurlanmasının qarşısını alsınlar.
