Macarıstan millisinin baş məşqçisi: "Azərbaycanı zəif rəqib hesab etməməliyik"
"Xorvatiya bizim qrupun favoritidir. Digər komandalara qarşı hər şey özümüzdən aslı olacaq. Xorvatların təqdimata ehtiyacı yoxdur. Dünya çempionatında gümüş medal qazanan komanda qrupun digər kollektivlərindən tamamilə fərqli səviyyədədir".
"Report" xəbər verir ki, bunu Azərbaycan yığması ilə eyni qrupa düşən Macarıstan milli komandasının baş məşqçisi Marko Rossi federasiyanın saytına açıqlamasında AVRO-2020-nin seçmə mərhələsinin püşkatması barədə danışarkən deyib.
54 yaşlı mütəxəssis qrup ikincisi olmaq üçün iki komanda ilə yarışacaqlarını bildirib:
"Uelsdə Rayan Giqqz oynamayacaq və bunun üçün çox şanslıyıq. Çünki o, artıq komandanın baş məşqçisidir. Zarafatı kənara qoysaq, düşünürəm ki, biz onlarla və Slovakiya ilə mübarizə aparacağıq. Amma Azərbaycanı zəif rəqib hesab etməməliyik".
Azərbaycan millisi E qrupunda Xorvatiya, Uels, Slovakiya və Macarıstanla mübarizə aparacaq.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
