İspaniya "Barselona"sının futbolçuları klubun tibb işçilərinin fəaliyyətindən narazıdırlar.
"Report" xəbər verir ki, Kataloniya təmsilçisinin zədəli futbolçusu Franki de Yonq Niderlandda müalicə olunmaq niyyətindədir.
"Barselona"nın həkimlərinin ona səhv diaqnoz qoyduqları iddia edilir. Yarımmüdafiəçi zədə səbəbindən mövsümün qalan hissəsini qaçıra bilər.
Qeyd edək ki, daha əvvəl Samuel Yumtiti və Usman Dembele də oxşar vəziyyətlə üzləşib.
Futbolçular klub həkimlərinin yanında deyil, Qətərdə müalicə almağa üstünlük veriblər.
