"Strasburq" futbol klubunda koronavirusa 4 yeni yoluxma aşkar edilib.
“Report” xəbər verir ki, bu barədə klubun rəsmi saytı bildirib.
Qeyd edilir ki, iyulun 29-da komandanın 5 üzvünün COVID-19 testinin nəticəsinin müsbət olmasından sonra yeni analizlərin verilməsi barədə qərar qəbul edilib.
Beləliklə, hazırda karantində doqquz nəfər var. Bununla əlaqədar olaraq "Strasburq" "Reyms"lə avqustun 8-ə planlaşdırılan yoldaşlıq matçını təxirə salmağa qərar verib.
Xatırladaq ki, "Strasburq" 27 turdan sonra 38 xal yığaraq Fransa çempionatının vaxtından əvvəl başa çatmış mövsümünün yarış cədvəlində 11-ci yer tutur.
