"Qarabağ"ın futbolçusu Kvabena Ovusu Mali və Qətərlə keçiriləcək yoldaşlıq oyunlarına çağırılmamasına münasibət bildirib.
Qol.az xəbər verir ki, Qana millisinin 23 yaşlı üzvü "Hot 93.9" radiosuna müsahibəsində milliyə dəvət almamasının onun üçün gözlənilməz olduğunu bildirib. O, baş məşqçi Çarlz Akonnorun qərarını belə şərh edib:
"Yəqin, mənim çıxışım baş məşqçinin qarşıdakı matçlar üçün tələb etdiyi səviyyədə deyil. Amma həqiqətən təklif gözləyirdim. Çünki Cənubi Afrika Respublikası ilə görüş zamanı Akonnorla bu barədə söhbətimiz olmuşdu".
Qeyd edək ki, Kvabena Ovusu ötən ildən Qana millisinə dəvət alır.
