Cüdoda saçın və kəmərin düzəldilməsinə ikinci dəfə icazə verilməyəcək
Beynəlxalq Cüdo Federasiyası (IJF) növbəti olimpiya tsikli üçün yeni qaydalar tətbiq edib.
Cia.Az xəbər verir ki, bəzi fəndlər əks tərəfə tətbiq edildikdə qiymətləndirilməyəcək.
İdmançının eyni yerdən qanaxması olarsa, hakim rəqibi qalib elan edəcək.
Bundan əlavə, kəmərin və saçın düzəldilməsinə bir dəfə icazə veriləcək. İkinci dəfə bu hal icazəsiz təkrar olunsa, cüdoçu şido (xəbərdarlıq) ilə cəzalandırılacaq.
Eləcə də, cüdoqi qaydalara uyğun olmazsa, idmançı yarışdan kənarlaşdırılacaq.
Böyüklər arasında dünya çempionatında iştirak üçün idmançı böyüklər arasında reytinq cədvəlində ilk “100-lük”də olmalıdır. Eyni zamanda, gənc idmançılar arasında “16-lıq”da olan atletlər də böyüklər arasında dünya çempionatına buraxılacaq.
2024-cü ildə Parisdə keçiriləcək Yay Olimpiya Oyunlarının lisenziya xalları bu ilin iyunun 24-dən 23 iyun 2024-cü ilədək keçiriləcək yarışlardan toplanacaq. Olimpiadaya lisenziya qazanmaq üçün reytinq sıralamasında ilk “17-lik”də yer almaq lazım olacaq.
Yeni yarış və idman qaydaları 28-30 yanvar tarixlərində keçiriləcək Portuqaliya Qran Prisindən etibarən tətbiq edilməyə başlanacaq. Almada şəhərində keçiriləcək yarışda Azərbaycan cüdoçuları da iştirak edəcək. Yeni qaydalar daxili yarışlarda mart ayından etibarən tətbiq edilməyə başlanacaq.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
