|
Bu gün UEFA Çempionlar Liqasında pley-off mərhələsinin cavab görüşlərinə start veriləcək.
Qol.az-ın məlumatına görə, ilk oyun günündə 3 qarşılaşma keçiriləcək. AEK öz meydanında “Videoton”u qəbul edəcək. İlk görüşdə səfərdə qələbə qazanan Yunanıstan klubu mərhələ adlamağa çox yaxındır. Zaqreb “Dinamo”su doğma divarlar arasında “Yanq Boyz”la üz-üzə gələcək. İsveçrədə keçirilən ilk görüşdə tərəflər 1:1-lik bərabərliyə razılaşıblar. Qrup mərhələsinə yüksəlmək üçün “Dinamo”ya qolsuz heç-heçə də bəs edir. Kiyev “Dinamo”su isə “Ayaks”la qarşılaşacaq. Amsterdamda meydandan 1:3 hesablı məğlubiyyətlə ayrılan kiyevlilərin mərhələ adlamaq şansı elə də yüksək dəyərləndirilmir. UEFA Çempionlar Liqası Pley-off mərhələsi, cavab oyunları 28 avqust 23:00. AEK (Yunanıstan) - “Videoton” (Macarıstan) İlk oyun - 2:1 23:00. “Dinamo” (Zaqreb, Xorvatiya) - “Yanq Boyz” (İsveçrə) İlk oyun - 1:1 23:00. “Dinamo” (Kiyev, Ukrayna) - “Ayaks” (Hollandiya) İlk oyun - 1:3 29 avqust 23:00. PAOK (Yunanıstan) - “Benfika” (Portuqaliya) İlk oyun - 1:1 23:00. PSV (Hollandiya) - BATE (Belarus) İlk oyun - 3:2 23:00. “Zalsburq” (Avstriya) - “Srvena Zvezda” (Serbiya) İlk oyun - 0:0 |
